Jhakdan

Naya aasmaan,

Naye ujale,

Nayi parchchaiyaan

,naye andhere

Naya zameen.

naye sapne

nayi ichchayein.....

Mujhpe mat laadho..

Lubhawani nayi Duniya

Nahi hai sweekar mujhe..

Purani aadhi ujli

Aadhi matmaili

Chinn bhinn sapno

Wali..adhkhili duniya

Se rehne do mujhe

Jhakdi...

Isi jhakdan mein

Meri azaadi hai..

Jisse khona

Mujhe sweekar nahi....

Zindagi aur Gaddhe..

Gol chaukor bina aakaar

Ke anginat gaddhe

Mere ghar se nikalti

Pehli badi sadak

Par milenge..

Niras jiwanvihin

Kurup sukhe gaddhe

Taptapati garmi

Ki dopehar mein

Jhulas rahein hai..

Palat ke dekhna

Kisi ko gawara nahi..

Badal ne rang badla

Aur pani barsa..

Gaddhe Jeewan ras

Se Bharpoor..lab lab

Kagaz ki nao tairate

Chote bachche..

Panchiyon ka jhund

Aur unki kalraw

Gaddhe ke ird-gird

Chote chote kayi

Taleye...

Lubhawane,jiwant

Sundar ,adiwitya

Har koi dekhta hai

Palat ke...

Gol chakor Bina aakaar

Ke anginat chote taal

Mere ghar se nikalti

Pehli  badi sadak

Par milenge....