Garam ret ke Rishte

Garam ret mein ughe rishte
Jhulaste hai..
Tapte hai...
Bina pani ki ek boond
Ke panapte hai...
Ek dusre se
Ulajhte hai
Simatthe hai..
Tan jate hai kabhi par
Phir lipatthe hai..
Garam ret gili mitthi
Wale nirakaar rishte ko..
Paka deti hai ...
Saundhi saundhi
Khusboo behti hai unse...
Garam ret mein pake
Rishte ...
Lad lete hai
Jhagad lete hai
Jalati tamtamati aandhi se...
Ad jate hai
Jhakad jate hai..
Sirf garajne wali badli se..
Garam ret ke registan
Mein Khila tera mera
Rishta...
Zindagi ki sukhi huyi
Nadi mein ..bhig kar
 jhoom raha hai.