pakka irada tha
ab se......
syaah patang
nahi udaungi...
pichle baras
syaah patang
pahunchati thi
chaand tak
turant chaand
safedi jhadta tha
patang ke
upari satah par
aur....kalabaajiyan
karta..ithlaata
safed-syaah patang
nazdeek aa
beth jaata tha....
iss baras
kai mahino ke
kai shab gujre..
nitalla chaand
chipka raha
badal ke tukde se
ziddi syaah patang
atka raha arsh par
badal se chan kar
safedi ki
ik boond tapki
us par...
laut aaya
mayoos
gumsum sa....
pakka irada tha
ab se..
syaah patang
nahi udaungi..
par.....ishq hai
mujhe chaand se..
bebas hoon..
majboor hoon..
dor thaam li hai..
phir se..
uda rahi hoon
SYAAH PATANG
About Me
- divya
- ye prashn saral bhi hai aur kathin bhi....apne bare me kuchh likhna...ye tau satya hai mujhse behtar mujhe koi nahi janata..aur ye bhi sach hai ki mujhse kam mujhe koi nahi janata...pasand kya hai ye tau aur jagah bhi likha hai maine..yahaan kya apne napasand ke baare me likhun...aatankwaad..dohre roop..desh ko bantne wale log..sakht napasand hai mujhe.. kavita likhna..apne bhawnao ko shabd dena hai mere liye..andar ki kasmasahat se khud ko swatantra karne ka jariya.. mujhe janana meri kavitaon se bahut asaan hai.. haan..main ek wud be doctor hoon...tau hoon na main ek rochak talmel doctor kaviyatri ki..yahi pehchaan hai meri!!!
3 comments:
this i had read before...its the best of urs...as much i hav read ur "Nazm"...!!!!
keep writing like this...[:)]
yeh bahut deep poem hai...bahut jaankar logon ke according tumhari one of the best....shayad is poem ki gehraai samajhni ab bhi baaki hai mere liye...lekin padhke bahut achchi lagti hai....
Superb!!!
Post a Comment