ghazal

chaand se tumhara mera rishta ajeeb hai
wo mera dost hai,tumhara raqeeb hai

likhna ibadat hai,sajde me hoon main
mere khuda tu meer hai ya ghalib hai

darakht ki shaakhen pukarti hai tujhe
unki lakeeron se jooda tera naseeb hai

dard dete ho to,ambaar laga do tum
koi na kahe tera humdum gareeb hai

shab girati shabnam,ashq bahati main
shab-e-tanhaayi me shab meri habeeb hai

bichad ke tujhse har pal roya kiye hum
ab jana tu mere dil ke kitna kareeb hai

kisse poochogi ilaaj apne marj ka tum?
sab kahenge "ruby"to khud tabeeb hai